Në atë që mund të përshkruhet vetëm si një goditje tjetër për Princin Harry dhe gruan e tij, Meghan Markle, Duka dhe Dukesha e Sussexit u raportua së fundmi se u injoruan nga BAFTA Tea Part 2023, në ngjarjen që organizohet në Los Angeles.
Disa burime njoftuan mediat se ftesa e çiftit për eventin e mbushur me yje u pa nga drejtuesit e organizatës si një makth pas publikimit të librit “Spare”.
“BAFTA vendosi se ishte një ide e tmerrshme. Ata menduan se do të ishte një katastrofë”, tha një burim i brendshëm i BAFTA për The Sun.
“Princi Harry, në librin e tij dhe dokumentet e tij, ka sulmuar ashpër Familjen Mbretërore. Armiku kryesor i Harryt, vëllai i tij Princi William, është president i BAFTAs”.
“Pra, që ata t’i hapin tapetin e kuq Harryt dhe gruas së tij do të ishte si të vendosnin një bombë bërthamore. Është e ndaluar”.
Burimi tregoi gjithashtu se kishte frikë se çdo intervistë negative për Williamin do të bëhej virale, gjë që ishte një tjetër arsye për mospërfilljen.
“Çdo intervistë do të bëhej virale. Çdo gjë negative për William do të ishte shkatërruese”, përfundoi burimi.
Harry në librin e ri ka dhënë disa detaje tronditëse në lidhje me familjen mbretërore gjatë kohës që ata ishin brenda, e po ashtu edhe përpara se Duka të lidhej me Marklen. /Telegrafi/
