Këngëtari i muzikës ‘rock’, Eugent Bushpepa, do të përfaqësojë këtë vit Shqipërinë në “Eurovision”.
“Mall” titullohet kënga e cila është punuar e gjitha nga vet këngëtari, si në muzikë, tekst, ashtu edhe orkestrim.
Së fundmi, Bushpepa ka prezantuar videon zyrtare, e cila do të prezantojë këngën “Mall”.
“Miq, ky është versioni final i këngës ‘Mall’ . Ky version do të këndohet nga Eugent Bushpepa në gjysmëfinalen e parë të Festivalit Eurosong, më 8 maj”, shkruhet në faqen zyrtare të këngëtarit në Facebook.
Klipi është mjaft i thjeshtë, dhe shfaq vetëm një skenë të xhiruar në garazhë, ku ai performon i rrethuar nga orkestra e tij.
Ndryshe, Shqipëria nuk e ka prekur finalen e “Eurovisionit” që nga viti 2015, përfaqësuar nga Elhaida Dani me këngën “I’m alive”.
Ndërkohë, suksesin më të madh e ruan Rona Nishliu, e cila përfaqësoi Shqipërinë në vitin 2012, dhe vendin e pestë. /Telegrafi/