Rey Manaj është prezantuar sot dhe ka folur për herë të parë si futbollist i Pescaras.
Ai në konferencë për shtyp së bashku me mbrojtësin Cristiano Biraghi, edhe ky i huazuar nga Interi.
“Pescara është një rast i madh, që duhet shfrytëzuar më së miri, sepse dua të shpërthej në Serinë A. Po pres me padurim të tregoj sa vlej”.
“Jam i ri, është e vërtetë, por kjo nuk duhet të jetë një alibi: jam i vetëdijshëm që duhet të përmirësohem, por i di cilësitë e mia. Nga ‘Primavera’ në futbollin e madh është një kërcim goxha i rëndësishëm, por nuk kam frikë”.
“Do të përpiqem të fitoj menjëherë besimin e trajnerit, shokëve dhe natyrisht tifozëve, që në Pescara janë shumë të zjarrtë, më kanë thënë. Janë pikërisht tifozët që më duhet, sepse ambiente të nxehta më japin një motivim të madh”.
“Shpresoj të mos i zhgënjej pritshmëritë. Unë Lapadula i ri? Ngadalë, do thoshit ju. Unë duhet thjesht të punoj. Karakteristika ime më e rëndësishme? Personaliteti. Kujt dua t’i ngjaj? Vetvetes, pas 10 vitesh. Shpresoj që atëherë të kem bërë një karrierë të bukur. Te Pescara mund të vijnë sulmues të tjerë? Më pëlqen të kem rivalitet, po të doja një vend të garantuar në formacion do shkoja në Lega Pro”.
