Këngëtari i njohur shqiptar, Ermal Meta, së bashku me këngëtarin italian, Fabrizio Moro, janë përfaqësues të Italisë në edicionin e sivjetmë të Eurovisionit.
Dy këngëtarët e kanë mbyllur konkurrimin e 26 shteteve finaliste në Altice Arena të Lisbonës, në Portugali.
.@MetaErmal & @FabrizioMoroOff closing tonight's contest with powerful poetic genius. Bravo👏👏 #ESC2018 #AllAboard #ITA pic.twitter.com/K119FUoNC7
— Eurovision (@Eurovision) May 12, 2018
“Non mi avete fatto niente” titullohet kënga e tyre (që në shqip përkthehet “Nuk më keni bërë asgjë”) dhe është interpretuar për mrekulli nga Meta dhe Moro.
VOTE FOR ITALY
🇮🇹 #ESC2018 🇮🇹 #eurovision ❤️#NonMiAveteFattoNiente #ErmalMeta #FabrizioMoro #MetaMoroESC2018 #MetaMoro #EscIta pic.twitter.com/XOjCoZCRN1— elisaprettosart (@elisaprettosart) May 12, 2018
Në një prononcim të shkurtër për Telegrafin para finales, drejtpërsëdrejti nga Lisbona, Ermal Meta kishte rrëfyer emocionet e natës finale, duke thënë se ndjehet i lumtur që ka rastin të ngjitet në një skenë të madhe si ajo e Eurovisionit.
“Ndihem mirë dhe mezi po pres që të shkoj në skenë. Ndihem i nderuar që e përfaqësoj Italinë në këtë Eurovision që është plot me këngë të mrekullueshme”, ka deklaruar Ermali për Telegrafin.
Ai tregoi më tej se tematika e këngës së tyre është shumë sociale, ndaj shpreson që publiku të reflektojë nga mesazhi që përçon ajo.
“Kënga jonë ashtu siç e thotë edhe veti titulli ‘Ti nuk më ke bërë asgjë’, iu drejtohet terroristëve, duke u thënë atyre, se ata nuk mund të na bëjnë asgjë, jemi më të fuqishëm se asnjëherë”, ka thënë Meta. /Telegrafi/
