Presidentja kroate i lë në hije të gjithë, bëhet personazhi më i përfolur i Botërorit

Presidentja e Kroacisë, Kolinda Grabar-Kitarovic, është personazhi më i përfolur nga liderët botërorë, pas humbjes së Kroacisë në Kampionatin Botëror.

Fotografitë e saja me fanellën kombëtare duke bërë tifo për skuadrën kroate janë shpërndarë në gjithë botën.

Ajo i mahniti të gjithë edhe në finalen e madhe me sjelljet në raport me politikanët tjerë dhe në veçanti me lojtarët e Kroacisë.

Lexo po ashtu Lajmet për presidenten e Kroacisë

50-vjeçarja është treguar shumë e afërt edhe me presidentin e Francës, Emmanuel Macron, teksa i ka përqafuar lojtarët e kombëtares së saj.

Padyshim se momenti më emocionues ishte përqafimi i kapitenit Luka Modric, me ç’rast presidentja nuk i mbajti lotët.

Grabar- Kitarovic  ka lindur më 29 prill të vitit 1968 në Rijekë. Ajo ka studiuar në Zagreb, Vjenë, Washington, Harvard dhe New Mexico, para se të doktoronte në vendlindjen e saj.

Krahas kroatishtes, ajo flet disa gjuhë duke përfshirë edhe anglishten, spanjishten dhe portugalishten, ndërsa kupton gjermanishten, frëngjishten dhe italishten.

Kujtojmë që përfaqësuesja e Kroacisë pësoi me rezultat 4-2 nga Franca në finalen e zhvilluar në Luzhniki Stadium.

Më poshtë janë disa nga reagimet e përdoruesve të Twitterit. /Telegrafi/

https://twitter.com/MessiWorId/status/1018553352068554757