Dana White ka shpërthyer në të qeshura kur ka kuptuar se në duelin mes Mike Tyson dhe Roy Jones Jr nuk do të ketë nokaut.
Dy legjendat e boksit po rikthehen në ring, pas një kohe të gjatë që nuk kanë luftuar, e që e gjitha kjo do të jetë për bamirësi.
Presidenti i UFC-së nuk beson se dyshja do të përmbahen në atë rregull dhe do të tentojnë të nokautojnë njëri tjetrin sa më parë.
#UFC president @DanaWhite was TOTALLY out of the loop on the rules of upcoming #TysonJones fight next week. 😂
Watch full interview: https://t.co/Xb7hSF7Cd1 pic.twitter.com/vrWCFBqPCq
— MMA Fighting (@MMAFighting) November 22, 2020
“Nuk ka nokaut? Nuk lejohet që ta nokautojnë njëri-tjetrin? Si e sqaroni këtë?”, ka pyetur White.
“Dua të vë bast se ajo gjë nuk ndodhë. A mund të vëmë bast? Nuk mund të vëmë baste për këtë takim? Çfarë? Çfarë është kjo përballje kështu?”, ka vazhduar i pari i sporteve parciale të përziera.
Komisioni i Karolinës që merret me rregullat në boks, ka bërë të ditur se këtu nuk lejohen nokautit dhe nuk do lejohen as bastvëniet, pasi e gjitha është për bamirësi. /Telegrafi/