Presidenti i Napolit, Aurelio De Laurentiis, ka thënë se Gonzalo Higuainë është tradhtar dhe kjo nuk është ekzagjerim.
Prodhuesi i filmave ka folur për transferimin më të shtrenjtë në Serie A.
“Gjysmë ore pasi e morëm vesh që Juventusi është duke e paguar klauzolën ne filluam punën dhe planifikuam të ardhmen. Ne e kuptuam këtë edhe pse deklarata e parë u bë nga agjenti i lojtarit. Tani jemi duke kërkuar një sulmues”.
“Ne nuk e kemi pritur të largohej pas tri viteve në Napoli”.
“Disa thonë që kur ne flasim për një tradhti është një ekzagjerim, por unë mendoj ndryshe. Me këtë lëvizje ka ndodhur me plot kuptimin e fjalës një tradhti e përfshirë me mosmirënjohje”.
“Kam dashur ta mbyll këtë pa bërë shumë zhurmë. Kam konsideratë të madhe për Juventusin dhe kam pritur sjellje tjetër nga ta”.
“Është e vërtetë që ishte një klauzolë, por nuk kemi pritur që vizitat mjekësor të kryhen fshehurazi. Ky është tani futbolli dhe më nuk ka respekt për ndjenjat”, ka thënë De Laurentiis. /Telegrafi/