Presidenti i Milanit, Paolo Scaroni shpjegon dyshimet e tij mbi planin e fundit të ristrukturimit të San Siros.
Ka pasur raportime nga agjencia e lajmeve ANSA se Milani i telefonoi Interit për t’i sugjeruar ata të punojnë së bashku në ndërtimin e një stadiumi të ri në San Donato Milanese, por se Nerazzurrët nuk ishin të interesuar.
“Lajmi është se kemi blerë tokën e nevojshme për të ndërtuar stadiumin në San Donato. Pas kësaj, gjithmonë do të ketë kontakte mes pronarëve të klubeve, por nuk ka asgjë të re që duhet të raportojmë”, ka thënë Scaroni.
Një histori e konfirmuar është se WeBuild propozoi se ata mund të ristrukturonin San Siron në atë mënyrë që Interi dhe Milani të mund të luanin ende atje gjatë gjithë procesit.
“Ndryshimi tjetër është sugjerimi se San Siro mund të ketë një ristrukturim ‘të lehtë’. Unë kam vite që merrem me çështjen e stadiumit, nuk është se Milani dhe Interi nuk janë të lumtur të qëndrojnë në San Siro, por është një stadium i vjetër”, vazhdoi Scaroni.
“Gjithmonë kam pyetur veten, si mund të ristrukturohet një arenë me ndeshje çdo dy ose tre ditë, dhe 70,000 njerëz vijnë e shkojnë. Real Madrid, madje edhe Atalanta, u desh të dekamponin në arena të ndryshme gjatë punimeve. Fatkeqësisht, nuk kemi stadiume të tjera afër me kapacitet të ngjashëm me San Siron”.
“WeBuild hodhi një vështrim të shpejtë, por letra që ata shkruan nuk më qetëson aq shumë, pasi është plot me nëse, por dhe potenciale. Ne jemi të përgatitur të konsiderojmë qëndrimin në San Siro vetëm nëse kemi siguri formale se mund të vazhdojmë të luajmë atje gjatë punës së rindërtimit, ka shtuar më tej ai. /Telegrafi/