Fenerbahçe ka shënuar fitore të rëndësishme në kampionatin turk.
‘Kanariant’ kanë triumfuar si mysafirë të Konyasporit të Alban Mehës me rezultat 1-0.
Por, loja nuk ishte në plan të parë duke marrë parasysh praninë në shkallët e stadiumit të presidentit të Fenerit, Aziz Yildirim, transmeton Telegrafi.
Ai ditë më parë kishte kërcënuar me jetë gazetarin Rasim Ozan duke i thënë se nuk duhesh të ndihesh i sigurt të ecësh i vetëm në rrugët e Stambollit.
Kjo ka bërë që të reagojnë tifozët në stadium duke e fyer presidentin, i cili u fjalos për një moment me tifozët.
Feneri pas kësaj fitore zë pozitën e pestë me 12 pikë, përkatësisht ka tetë më pak se liderët Besiktas dhe Istanbul B.B. /Telegrafi/
