Presidenti i Bullgarisë Rumen Radev, thekson se kryeministri i Maqedonisë Zoran Zaev, nuk ka kërkuar falje ndaj Bullgarisë për deklaratat e tij për shënimin e festës së Ilindenit, deklarata që shkaktuan reagim të funksionarëve në Bullgari.
Radev thekson se Zaev nuk ka kërkuar falje në mënyrë eksplicite, por vetëm ka shprehur keqardhje, përcjell Telegrafi Maqedoni.
“A është e mjaftueshme ajo falje? A keni dëgjuar ju kërkim falje? Unë nuk kam dëgjuar. Përmes Facebookit nuk është fale. Zaev tha se ka bërë gabim, por nuk ka korrigjuar fjalët e tij. Sipas meje, është e palejueshme dhe e papranuar që perspektiva euroatlantike e Maqedonisë të vendoset para historisë bullgare, identitetit dhe sovranitetit. Nuk mund që interesat afatgjate të Bullgarisë të jenë viktimë e marketingut politik”, tha Radev.
Ai pret që vendi i tij të vendos masa për sanksionimin e Maqedonisë, duke shtuar se Bullgaria ka gjitha bazat për të nënshkruar aneks-marrëveshje për marrëdhëniet me Maqedoninë./Telegrafi/