Presidenti i Atletico Madridit, Enrique Cerezo ka pohuar se Antoine Griezmann do të jetë në klub edhe për sezonin e ardhshëm.
Griezmann kohëve të fundit sugjeroi se bashkimi me Manchester United kishte shans të ndodhte “6/10” dhe se e ardhmja e tij do të vendoset së shpejti.
Por, presidenti Cerezo e bëri të qartë se ai parashikon që sulmuesin francez të jetë edhe në sezonin e ardhshëm tek skuadra e Atleticos, e cila do të luaj në stadiumin e tyre të ri.
Cerezo gjithashtu dha një mendim edhe për finalen e Kupës së Mbretit, të cilën e fitoi Barcelona.
“Finalja e Copa Del Rey? Ishte një finale madhështore për këtë stadium, por jeta vazhdon dhe ne duhet të evoluojmë”, ka Cerezo pas ndeshjes.
“Griezmann? Ai do të qëndrojë, jo këtu në Calderon, por në Wanda [Metropolitano]”, përfundoi presidenti i Atleticos.
Ndryshe, francezi është njëri nga emrat më të lakuar në treguan e transferimeve me Unitedit që janë të gatshëm të paguajnë mbi 100 milionë euro për shërbimet e tij. /Telegrafi/