Ndonëse më Kushtetutë përfaqëson unitetin e popullit, presidentit Hashim Thaçi, nuk po i bëjnë përshtypje kundërshtimet e opozitës dhe banorëve të zonës për demarkimin e kufirit me Malin e Zi.
I pari i vendit, përveç deklaratave drejtuar Kuvendit dhe Qeverisë që sa më parë të ratifikojnë marrëveshjen aktuale, ai nuk ka ndërmarr ndonjë iniciative për unifikim të spektrit politik për sa i përket kësaj çështje.
Tribuna Channel ka provuar gjithë ditën të marrë përgjigje nga zyra e presidencës dhe këshilltarët e Thaçit, nëse ai ka në plan që t’i ftojë liderët e partive politike për gjetjen e një zgjidhje sa më të përshtatshme për këtë çështje, por ata nuk i janë përgjigjur interesimit të televizionit.
E në anën tjetër, njohësit e çështjeve politike thonë se Thaçit i mungon fuqia e vendimmarrjes tek opozita, por edhe një pjesë të pozitës.
Gazetari dhe publicisti, Bajrush Morina, shprehet se asnjë president deri me tash nuk ka arrit të krijoj një unitet tek të gjitha partitë politike e aq më pak Hashim Thaçi.
