Blero Muharremi e ka publikuar bashkëpunimin më të ri me Frenques dhe Alex që mban titullin “Asniher”.
Uki Latifi, Prygo dhe Diarra Jean janë kujdesur për muzikën dhe tekstin.
“Kënga e radhës është në bashkëpunim me Alexin, një projekt i cili është bashkëpunim me “Roton Music” nga Rumania. Ky projekt do të jetë në dy gjuhë: shqip dhe anglisht. Në shqip është Alex, ndërsa në anglisht një reper nga Londra të cilin do ta lëmë befasi”.
“Është një këngë shumë më ndryshe se të tjerat, sepse është vetëm me kitarë dhe një melodi shumë interesante”, pati treguar Blero për Telegrafin.
Xhirimet e klipit janë kryer në Turqi, ndërsa Blero tregoi se ishte vonuar paksa publikimi i tij.
“Arsyeja e vonesës është çështje teknike, sepse kompania rumune ka kërkesa të larta për klip. Xhirimet i kemi kryer në një nga resortet e Turqisë bashkë me produksionin XL Films”, ka thënë këngëtari për Telegrafin.
Pjesë e klipit pra është deti, resorti joshës dhe eleganca e femrës. /Telegrafi/
