Ashtu siç kishin paralajmëruar ditë më parë, reperët Agon Amiga dhe Cozman kanë publikuar bashkëpunimin e ri.
“Prej Tirone” titullohet kënga e tyre e re, e cila është punuar nga Room 6, ndërsa tekstin e kanë shkruar vet reperët.
“Pas suksesit të këngës “Shih ti kishe”, vendosëm të realizojmë edhe disa këngë në bashkëpunim, dhe të dy jemi përshtatur shumë mirë në këngën e re “Prej Tirone”, dhe besoj shumë në këtë projekt që do të jetë i suksesshëm dhe do iu pëlqejë publikut”, ka thënë Agon Amiga për Telegrafin.
Klipi i këngës është mjaft i veçantë dhe i sjell dyshen si gjithnjë me stil. Për Telegrafin, Agon Amiga ka treguar se xhirimet janë kryer jashtë vendit.
“Xhirimet janë bërë në Gjermani dhe Kosovë nga dy produksione të ndryshme, High Entertainment dhe XL Films. Jemi munduar të sjellim diçka interesante për publikun”, ka treguar Amiga.
Ndërkohë përveç këtij bashkëpunimi, ai do të sjellë së shpejti edhe një duet tjetër me Teuta Selimin. /Telegrafi/
