Këngëtari i njohur, Adrian Gaxha, ka publikuar projektin e tij më të ri muzikor “Lujmi krejt” që e ka sjellë në bashkëpunim me Onatin.
Kënga është punuar nga Brick Records me tekst të Capital T, teksa detajet e projektit i ka zbuluar ekskluzivisht gjatë një bisede për Telegrafin.
“Kënga është punuar nga Brick Records. Teksti e ka drejtimin e dashurisë. Një djalë në një lokal e pëlqen një vajzë dhe fillon ta komplimentojë në stilin e tij”, ka thënë Adrian Gaxha për Telegrafin.
Për anën vizuale të projektit janë kujdesur produksioni Entermedia, të cilët kanë sjellë një klip interesant dhe të detajuar.
Pjesë e klipit është edhe një karakter satirik, i cili sjell plot skena interesante me të qeshura, duke e shndërruar në një klip komik.
Këngëtari nga Shkupi, në intervistën e dhënë për Telegrafin, ka zbuluar se gjatë muajve në vazhdim do të sjellë edhe disa këngë të tjera. /Telegrafi/
