Soni Malaj ka habitur me një postim të pazakontë, të cilin e ka ndarë me fansat e saj në rrjetet sociale.
Këngëtarja, e cila numëron mbi 469 mijë ndjekës në Instagram, e ka publikuar një imazh festiv të sajin, mirëpo ka habitur me përshkrimin me të cilin e ka shoqëruar.
“Ndonjëherë mendoj sikur të isha zog që të fluturoja lart në qiell… dhe t’ua lëshoja glasën ca njerëzve”, është përshkrimi i pazakontë i këngëtares.
Ndërkohë që ka marrë dhjetëra mijëra pëlqime nga fansat e saj, njëherësh ka pasur edhe komente nga më të ndryshmet lidhur me fjalët e saj.
Kujtojmë që realizimi më i fundit muzikor i Sonit ishte kënga “Shije tradhtie”, projekt me të cilin ajo ishte konkurrente në festivalin Kënga Magjike. /Telegrafi/
