Në brigjet e Maui të Havait, një sërfist i paemëruar është filmuar teksa qëndronte në sipërfaqen e detit, derisa poshtë tij notonte grupi i balenave gjigante.
Ai shihet teksa qëndron në dërrasën e lundrimit, derisa gjallesat që kanë nga 30 ton lëviznin në ujë, transmeton Telegrafi.
Megjithëse nuk është treguar se çfarë ka përjetuar ky njeri, shikuesit kanë lënë komente të ndryshme, duke e përshkruar si moment të frikshëm dhe mbresëlënës në të njëjtën kohë.
Shumica kanë thënë se do të ndiheshin përkryer edhe sikur të ndodheshin në vendin e tij, të tjerë a kanë konsideruar si çastin më të frikshëm që mund të ju ndodhte.
“Përjetimi më i rrezikshëm në jetë, por edhe sikur të më hanin do të pranoja të isha në atë vend” është një koment lidhur me rastin. /Telegrafi/
