Presidenca e Portugalisë e Këshillit të Bashkimit Evropian filloi të martën me një vizitë të Presidentit të Këshillit, Charles Michel në Lisbonë.
Kryeministri portugez, Antonio Costa tha pas takimit në një konferencë të përbashkët shtypi se kishte biseduar me Michelin kryesisht për “tre përparësitë kryesore” të presidencës gjashtë-mujore të Këshillit, raporton lepoint.
Këto përparësi janë: rimëkëmbja ekonomike pas krizës së coronavirusit, zgjerimi i rrjetit të mbështetjes sociale dhe forcimi i autonomisë strategjike të BE-së, transmeton Telegrafi.
No arranque da @2021PortugalEU, reuni com o @eucopresident a quem apresentei as prioridades da nossa Presidência. Temos seis meses de intenso trabalho para reforçar a União Europeia.#EU2021PT pic.twitter.com/QdOBRqzxHP
— António Costa (@antoniocostapm) January 5, 2021
“Pas punës së shkëlqyeshme të presidencës gjermane, është koha për të vepruar për të siguruar një rimëkëmbje të drejtë, të gjelbër dhe dixhitale”, tha Costa.
Në fillim të vitit, Gjermania i dorëzoi presidencën gjashtë-mujore Portugalisë. Ky rikuperim do të bazohet në dy shtylla kryesore: ndryshimi i klimës dhe ndryshimi dixhital.
Costa, i cili ka qenë në pushtet që nga viti 2015, është i përkushtuar për të promovuar investime në arsim dhe inovacion, veçanërisht në mënyrë që faza e re e tranzicionit “të jetë një mundësi për të gjithë dhe askush të mos mbetet pas”.
Ai theksoi se nuk do të kishte rimëkëmbje ekonomike pa vaksinim masiv. Portugezi mbrojti vendimin për të blerë vaksina për të 27 vendet e BE-së përmes Komisionit Evropian. /Telegrafi/