Portieri i Lirisë, Flamur Gashi, do të testohet te skuadra e madhe turke, Galatasaray.
“Flamur Gashi është reprezentues i rregullt i moshave të Kosovës, derisa në kualifikimet e radhës do ta ruajë portën e 21 vjeçarëve”.
“Paraqitjet e mira në stinorin pranveror me ekipin e parë të Lirisë i kanë mundësuar Flamur Gashit që të testohet te gjiganti turk, Galatasaray”.
“Ai do testohet për disa ditë te Galatasaray, për të parë më pas se cila do të jetë e ardhmja e tij”.
“KF Liria si çdo herë edhe kësaj radhe, talentit të vet i dëshiron shumë sukses”, thuhet në një postim të klubit në Facebook.
Portieri që është i gjatë 191 centimetra, në të kaluarën ka luajtur për përfaqësuesen e Kosovës U-19.
Ndërsa tani është pjesë e skuadrës përfaqësuese të vendit të grupmoshave U-21. /Telegrafi/