Portieri nga Kosova, Deniz ‘Jacek’ Troshupa është transferuar tashmë në kampionatin polak tek skuadra Stomil Olsztyn.
Troshupa është rikthyer përsëri në futbollin polak, ku kësaj radhe do t’i mbrojë ngjyrat e ekipit Stomil Olsztyn, i cili militon në kategorinë e dytë.
“27-vjeçari Denis Jacek Troshupa nënshkroi një kontratë me Stomil Olsztyn. Kontrata e portierit me “Duma Warmii” do të jetë në fuqi për dy vitet e ardhshme”.
“Sezonin e kaluar, lojtari përfaqësoi ngjyrat e KF Feronikelit, klub me të cilin fitoi kampionatin e Kosovës në vitin 2019”.
“Sezonin e kaluar ai luajti në njëzet ndeshje (ai përfundoi dhjetë ndeshje pa pranuar asnjë gol)”, thuhet në njoftimin e klubit polak.
Transferimin te klubi polak e ka konfirmuar edhe portieri kosovar me anë të një postimi në rrjetet sociale.
Ndryshe, Tropshupa me parë ka mbrojtur edhe ngjyrat e Hajvalisë dhe Skënderbeut në Shqipëri. /Telegrafi/
