Porsche Mission X Concept është një nga krijimet më të bukura të markës gjermane në kujtimet e fundit, i ndërtuar për të parë paraprakisht një hiper-veturë tërësisht elektrike që do të shërbejë si pasardhësi shpirtëror i hibridit 918 Spyder.
Shumë shpesh, prodhuesve të veturave u duhen shumë vite për të sjellë automjete të tilla në realitet, por në rastin e Mission X, vendimi për ta ndërtuar atë u mor vetëm në mesin e vitit 2022.
Në krijimin e pasuesit të 918 Spyder, Porsche donte të mbante përmasat sa më kompakte të ishte e mundur, duke siguruar që koncepti të kishte një trashëgimi të dukshme të motorsportit. Porsche jo vetëm që mori frymëzim nga koncepte dhe ide të tjera që ka eksploruar gjatë pesë viteve të fundit, por gjithashtu iu referua veturave të garave 919 Hybrid dhe klasike Le Mans si 917, raporton Car Scoops, përcjell Telegrafi.
Disa nga këta elementë të dizajnit janë të identifikueshëm menjëherë. Për shembull, kupola e xhamit, dyert në stil fluture dhe dritaret “Daytona” marrin frymëzim nga 917 ndërsa fenerët përngjajnë me ato të veturave të garave 906 dhe 908.
Dizajnerët e Porsche shpenzuan gjithashtu kohë të konsiderueshme për të krijuar sipërfaqe të lëmuara dhe të pastra në të gjithë pjesën e jashtme. Ata madje u munduan të shtonin dritat funksionale, shiritat e dritës, shkronjat “E” dhe një buton ndezjeje në brendësi që pulson kur vetura është duke u karikuar.
Interesante, Porsche thotë se vendosi të mos i japë Mission X Concept një brendshme që duket sikur është ngritur direkt nga një veturë garash. Si i tillë, ai i shmanget Alcantara-s që është popullor në vetura si kjo në favor të lëkurës dhe pëlhurave të kundërta.
Porsche ka shumë punë për ta sjellë Mission X në prodhim, duke përfshirë përmirësime në aerodinamikën e tij.
“Duhet të punojmë akoma mbi aerodinamikën”, thotë Michael Mauer, shefi i dizajnit të Porsche. “Ne duhet që të optimizojmë trupin për ta bërë veturën më të shpejtë legale rrugore në Nürburgring Nordschleife. Do të ketë qindra orë rregullim të imët në tunelin e erës.”, vazhdon tutje ai.
Ndër të tjera Mauer shton: “Pjesa e përparme e veturës – duke përfshirë edhe fenerët – është shumë e avancuar në mënyrë estetike, dhe madje edhe interieri është punuar me fare pak modifikim”.
Porsche ende nuk e ka konfirmuar se kur do të dalë në treg vetura e prodhimit me bazë Mission X. /Telegrafi/
