Porsche 911 Targa, është një veturë sportive që vitin e kaluar u prezantua, e së fundmi është bërë me një edicion special.
Targa, varianti i Porsche Carrera u prezantua për herë të parë në fund të viteve të 60-ta, kur blerësve u ofrua versioni specifik i karrocerisë së fortë, me kulmin palosës, transmeton Telegrafi.
Sikurse edhe gjenerata e mëparshme, edhe më e reja ka sistem automatik për ngritjen dhe uljen e panelit qendror të kulmit, kurse në Porsche thonë se këto operacione zgjasin vetëm 19 sekonda.
Në versionin Targa 4, motori gjeneron 385 kuaj-fuqi. E versioni më i fuqishëm, 911 Targa 4S, prodhon 450 kuaj-fuqi.
Targa 4 shpejtësinë nga 0-100 kilometra në orë e arrin për 4,2 sekonda, kurse Targa 4S për vetëm 3,6 sekonda.
Kur është fjala për shpejtësinë maksimale, Targa 4 është në gjendje të arrij 289 km/h, e Targa 4S e ka të kufizuar në 304 km/h.
Fuqia motorike në të dy versionet bartet në të katër rrotat falë ndërruesit automatik PDK me tetë shpejtësi me pedale të dyfishtë, derisa blerësit e Targa 4S kanë në opsion edhe atë manual me shtatë shpejtësi. /Telegrafi/
