Një femër me inicialet M.H është arrestuar në Gjilan, pasi ka porositur një dërgesë me postën e shpejtë dhe posa ka marrë porosinë, ka mashtruar punëtorin e postës dhe është larguar në drejtim të panjohur.
Sipas Policisë, punëtori i një poste ka raportuar se me datë 18.09.2021, deri sa ka pasur një dërgesë për ta sjellur në Gjilan në vlerë prej 2650 euro, e dyshuara në momentin e kontaktit ka marrë porosinë duke i thënë palës ankuese se po shkon për t’i marrë paratë dhe t’ia sjell atij por është larguar duke e mashtruar atë.
“Pas një pune intensive të njësive hetimore të Policisë në këtë rajon sot është arrit që e dyshuara me iniciale (L.S.) të identifikohet dhe arrestohet, e cila në prezencë të avokatit mbrojtës pranon se ka kryer veprën penale “Mashtrim”. Pas konsultimit me prokurorin kompetent e dyshuara ndalohet për 48 orë në qendrën e mbajtjes për procedura të mëtejme ligjore”, thuhet në njoftim.