Ermir Lenjani është duke u shëruar nga lëndimi që pësoi në takim ndaj Spanjës.
Mirëpo mesfushori i Kombëtares shqiptare nuk e harron natën e Beogradit, kur flamuri më i bukur në botë heshti mijëra tifozë serb.
Djaloshi nga Kamenica, ka postuar një foto në faqen e tij zyrtare në Facebook duke kujtuar natën e Beogradit.
Ai ka thënë se ajo ndeshje ishte fitorja më e ëmbël e të gjitha kohërave.
“Dy vite nga fitorja më e ëmbël e të gjitha kohërave. Le ta dinë të gjithë, flamurin s’mundet të na prekë askush”, shkroi Lenjani.
Ndeshja mes Serbisë dhe Shqipërisë u ndërpre pak minuta para fundit të pjesës së parë, ndërsa kuqezinjtë triumfuan në tavolinë me rezultat zyrtar 3-0. /Telegrafi/
