Politikani nga Pescara, Antonio Razzi, ka kërkuar nga Francesco Totti që të shkojë të luajë për Delfinët.
40-vjeçari akoma nuk ka vendosur për pensionimin e tij, ndërsa në fund të sezonit pritet të largohet nga Giallorossët. Oferta e Razzit është që sulmuesi veteran të luajë në Serie B në sezonin e ri.
“Totti nuk duhet të pensionohet. Unë jam tifoz i Juventusit, por Totti është Totti, ai është bajraktari i Romës, e njeh e gjithë bota”.
“Do të ishte gjë e mirë që të vazhdonte të luajë për Pescaran, me Zemanin (ish-trajnerin e Romës). Ai mund të bëhet edhe trajner në fushë – Totti në fushë, ndërsa Zemani në bankë”.
“Ndoshta Totti ka menduar që të vijë të luajë te Pescara, unë do të përpiqem t’i bind ata që ta ftojnë”.
“Te Roma mund të marrë një post menaxherial, por ai është akoma i hollë, sportiv dhe mund të luajë edhe për dy sezone”, ka deklaruar Razzi për Radio Cusano. /Telegrafi/