Matteo Politano ka gjetur buzëqeshjen te Napoli, ku është shndërruar në një lojtar formacioni nën drejtimin e Genaro Gattusos.
Ai i dha fitoren Napolit në Ligën e Evropës ndaj Real Sociedadit, ndërsa edhe në kampionat ka shënuar.
Në një intervistë të dhënë pas ndeshjes, sulmuesi italian foli me superlativa për punën e bërë nga Gattuso, teksa nuk ngurroi të thumbojë edhe ish klubin e tij, Interin.
Gol de #Napoli
⚽ 56' M. Politano#RealSociedad 0-1 @sscnapoli#EuropaLeague pic.twitter.com/rYUZ8L1DQB— Minuto Extra (@MinutoExtra3) October 29, 2020
“Kur erdha këtu, mu desh pak kohë që të ambientohesha, por tani falë trajnerit , po punoj shumë dhe jam gjithmonë gati të bëj më të mirën në fushën e lojës”.
“Vija pas një periudhe të keqe te Interi, ku nuk u trajtova mirë dhe tani po rigjej formën më të mirë”, ka thënë Politano.
Sulmuesi iu bashkua Interit në verën e 2018 dhe pas një sezoni të mirë nën urdhrat e Luciano Spallettit, ai nuk e gjeti veten te Antonio Conte. /Telegrafi/