Një fëmijë është shpëtuar nga zjarri i cili mëngjesin e sotëm përfshiu një objekt banimi në lagjen “Tophane” në Prishtinë.
Nga ky incident nuk ka persona të lënduar, ndërsa fëmija është shpëtuar nga rreziku falë intervenimit të Policisë së Kosovës dhe banorëve.
Kështu ka bërë të ditur para mediave Shkelzen Xhafa, shef i operatives rajonale të Drejtorisë së Policisë.
Sipas tij, për momentin është faza fillestare dhe nuk mund të thuhet se cili është shkaktari i zjarrit.
“Falë intervenimit të policisë së bashku me banorët është arritur që një fëmijë të shpëtohet. Pastaj kanë ardhur edhe banorët që me përkushtimin e tyre kanë arritur deri tek komplet shuarja e zjarrit. Ende është në proces se si është shkaktuar zjarri. Për momentin është faza fillestare dhe nuk mund të themi se çka e shkaktojë zjarrin”, tha Xhafa.
Mes tjerash, ai tha se ka banorë që janë duke marrë ndihmën e parë, por nuk ka persona të lënduar./Telegrafi/