Telegrafi

Policia e Kosovës konfiskon mbi 65 kilogramë substanca narkotike

Policia e Kosovës konfiskoi mbi 65 kilogramë substancë të dyshuar narkotike dhe arreston katër persona të dyshuar për vepër penale  “Blerja, posedimi , shpërndarja dhe shitja e paautorizuar e narkotikeve, substancave psikotrope dhe analoge”

Policia e Kosovës, dje më datë 30.08.2016, në rajonin e Pejës me urdhër të gjykatës kompetente ka realizuar një operacion të suksesshëm policor, me ç’rast ka arrestuar katër persona të dyshuar dhe ka konfiskuar mbi 65 kilogramë substancë të dyshuar narkotike si dhe dëshmi tjera relevante për procedim ligjor.

Personat e arrestuar gjatë operacionit janë: S.K 1979, E.R 1983, Xh.K 1967, A.D 1984.

Gjatë operacionit të bastisjes në dy lokacione në Nabergjan dhe në Klinë, nga njësitet antidrogë të  Policisë janë gjetur dhe sekuestruar edhe dëshmitë materiale: 65.70 kg substancë e dyshuar narkotike e llojit Marihuanë; Një bimë të llojit kanabis (50 cm); Një pajisje për paketim të lëndëve narkotike; Një peshore; 185-fishek cal-17.8 mm; 36-fishek 7.62×25 mm; 6-fishek cal-3.57 mm; 3-fishek cal-7.62×39 mm; 3-fishek Magnum 44; 14-fishek cal-9mm; 1-fishek cal-7.65 mm; 2 karikatorë të zbrazët, si dhe disa pajisje tjera ndihmëse për armë, po ashtu janë konfiskuar edhe katër vetura dhe katër telefona me numra nga kompani të ndryshme.

Me urdhër të prokurorit kompetent të dyshuarve të involvuar iu është caktuar masa e ndalimit prej 48 orësh. /Telegrafi/