Policia e Kosovës konfirmoi se mbrëmë në rrugën “Muharrem Fejza” është sulmuar një person.
Zëdhënësja e Policisë për rajonin e Prishtinës Flora Ahmeti tha për KosovaPress se policia është njoftuar se mbrëmë rreth orës 23 e 30 ka ndodhur një sulm ndaj një personi.
Sipas saj rasti është kualifikuar si lëndim trupor, ndërsa policia po vazhdon hetimet.
Lëvizja Vetëvendosje ka bërë të ditur se mbrëmë është sulmuar shoqëruesi i sekretarit organizativ Dardan Molliqaj.
Sipas VV-së, Agron Kabashi është sulmuar me shufra hekuri derisa shoqëronte për në banesën e tij Dardan Molliqajn në lagjen Mati 1.