Një video e pazakontë që po qarkullon në internet shfaq turmën e protestuesve nëpër rrugët e qyteteve të Kilit, të cilët me laserët që i kishin në varëset e çelësave rrëzojnë dronin e policisë.
Videoja shfaq turmën që ia kishte drejtuar laserët me ngjyrë të gjelbër dronit të policisë, ku si rezultat i nxehtësisë së madhe që shkaktohet nga laserët rrëzohet në tokë, transmeton Telegrafi.
Nuk iu deshën më shumë se 20 sekonda që ta rrëzojnë dronin në tokë që pësoi defekt teknik, duke bërë që masa të brohorasin nga gëzimi për arritjen e qëllimit.
Megjithatë ajo çfarë mbetet e paqartë është fakti se si është e mundur që laserët t’i shkaktojnë defekt teknik. Sipas drejtorit ekzekutiv të Citadel Defense, Christopher Williams, kompani e specializuar në teknologjinë kundër-dronëve, pretendon se ajo çfarë ka ndodhur është se piloti i dronit është “verbuar” nga dritat. /Telegrafi/
