Policia e Kosovës ka dhënë detaje të reja lidhur me arrestimin e kryetarit të Komunës së Istogut, Haki Rugova dhe dy zyrtarëve tjerë.
Policia bën të ditur Rugova dhe dy zyrtarët tjerë janë arrestuar nën dyshimin e kryerjes së veprave penale “keqpërdorim i pozitës zyrtare”, “konflikt interesi” dhe “falsifikim i dokumentit zyrtar”, transmeton Telegrafi.
“Mund të konfirmojmë se hetuesit e drejtorisë për krime ekonomike dhe korrupsion, më 9.10.2020, kanë intervistuar tre persona në cilësinë e të dyshuarve, nën dyshimin e kryerjes së veprave penale “keqpërdorim i pozitës zyrtare”, “konflikt interesi” dhe “falsifikim i dokumentit zyrtar”. Të dyshuarit pas intervistimit me vendim të prokurorit të shtetit nga Prokuroria në Pejë iu ka shqiptuar masa e ndalimit prej 48 orësh”, ka thënë zëdhënësi i Policisë së Kosovës për rajonin e Prishtinës, Bajram Krasniqi./Telegrafi/