Një motoçiklist ka marr lëndime trupore në një aksident trafiku i cili ka ndodhur sot rreth orës 10:30 në rrugën “Agim Ramadani”, në Prishtinë.
Lajmin për Telegrafin e ka konfirmuar, zëdhënësja e Policisë së Kosovës për rajonin e Prishtinës, Flora Ahmeti.
Sipas saj, motoçiklisti është dërguar për tretman mjekësor në Qendrën Klinike Universitare të Kosovës (QKUK).
“Rreth orës 10:30 në rrugën ‘Agim Ramadani’ në Prishtine, ka ndodhur një aksident trafiku mes një motoçiklisti dhe një automjeti. Në këtë aksident lëndime trupore ka pësuar ngasësi i motoçikletës. I njëjti është dërguar për tretman mjekësor në QKUK. Me rastin po merret njësiti i trafikut”. /Telegrafi/