Gjashtë persona dy prej tyre të mitur, janë përleshur në mes vete ku ka pasur dhe të lënduar.
Në raportin e Policisë së Kosovës, ngjarja ka ndodhur të premten rreth orës 23:10 në rrugën “B”, në Prishtinë.
Siç thuhet në raport, gjatë përleshjes janë përdorur mjete të mprehta (thikë), si edhe ka persona të lënduar.
“Raportohet se ka ndodhur një përleshje në mes gjashtë të dyshuarve meshkuj kosovarë, ku dy prej tyre janë të mitur. Gjatë përleshjes janë përdorur mjete të mprehta. Në vendin e ngjarje është gjetur dhe konfiskuar një pistoletë dhe një thikë. Të dyshuarit janë arrestuar, ndërsa të lënduarve i është ofruar tretman mjekësor”, thuhet në raport. /Telegrafi/