Policia e Kosovës përmes një njoftimi ka bërë të ditur se dje një person ka vdekur në QKUK.
Siç thuhet në raportin e policisë, më datën 01.04.2017, gjegjësisht dy ditë para se të vdiste, viktima ishte dërguar në QKUK në gjendje të dehur.
Këtë rast, policia e Kosovës e ka konsideruar si “vdekje e dyshimtë”.
“Viktima mashkull K-Shqiptar i cili ishte duke u trajtuar në QKUK nga data 01.04.2017 pasi ishte dërguar në gjendje të dehur, me 03.04.2017 (rreth orës 06:30) ka ndërruar jetë. Me urdhër të prokurorit, trupi i pajetë është dërguar në IML për obduksion, ndërsa njësitet policore janë duke hetuar rastin”, thuhet në njoftimin e Policisë. /Telegrafi/