Policia e Kosovës ngushëlloi familjen Rexhepi pas ndarjes nga jeta të ish-kryeministrit dhe ish-ministrit të Punëve të Brendshme, Bajram Rexhepi.
Në telegramin e ngushëllimit thuhet se Rexhepi ishte një personalitet dhe veprimtar i shquar, i cili dha kontribut të veçantë në Policinë e Kosovës.
“Ish-kryeministri Rexhepi ishte një personalitet dhe veprimtar i shquar i cili dha kontribut të veçantë në Policinë e Kosovës, duke e përkrahur dhe mbështetur në të gjitha sferat përderisa ishte Ministër i Punëve të Brendshme. Policia e Kosovës do ta përkujtojë çdo herë si një kontribuues të veçantë në avancimin e agjendës shtetndërtuese të Kosovës, e në veçanti të përkrahjes dhe zhvillimit profesional të Policisë.
E nderuar Familje Rexhepi, Policia e Kosovës, menaxhmenti i saj, ju shpreh ngushëllimet më të sinqerta.
I qoftë i lehtë dheu i Kosovës!”, thuhet në telegramin e ngushëllimit. /Telegrafi/