Policia e Kosovës përmes një komunikate për medie, ka kërkuar bashkëpunim nga qytetarët në lidhje me lokalizimin e një personi i cili kërkohet për tu arrestuar, për shkak se është i akuzuar për veprën penale “Blerje, posedim, shpërndarje dhe shitje e paautorizuar e narkotikëve”.
Kërkesën e ka bërë Drejtoria Rajonale e Policisë në Pejë, duke u bazuar në ligj për publikimin e fotos me shënime tjera të personit të kërkuar më Urdhëresë të Gjykatës Themelore Pejё, me qëllim lokalizimin dhe rrjedhimisht arrestimin e tij
Personi i kërkuar është Arben (Canё) Tahiri i lindur me 24.12.1983 në Luzern – Zvicër.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: – 192 dhe 080019999 (pa pagesë), 039 432 327-Drejtoria Rajonale Pejë, E-mail adresa: info@kosovopolice.com”, thuhet në komunikatë. /Telegrafi/
