Kur policia britanike pranon një telefonatë emergjente, ata duhet të jenë të përgatitur të ballafaqohen me gjithçka.
Por katër prej tyre nuk kishin besuar se do ta gjejnë veten në një situatë të palakmueshme, kur në mes të një rruge hasën në një objekt të pazakontë, transmeton Telegrafi.
Gjetën një statujë gjigante të hipopotamit, të cilën për ta lëvizur u desh të kërkojnë ndihmë nga kolegët e tyre që gjithashtu ishin duke patrulluar rrugëve të Denbighshire.
Ky moment bizar u filmua nga Josh Taylor, që së fundmi e postoi videon në TikTok me mbishkrimin “policia arreston hipopotamin pas një nate të shfrenuar”.
Videoja është bërë virale, duke arritur të marrë mbi 1.3 milionë shikime si dhe mbi 32 mijë pëlqime. /Telegrafi/
