Drejtoria Rajonale e Policisë në Pejë, me angazhime të shtuara është duke vazhduar me zbatimin dhe implementimin e masave kundër Covid-19.
Në njoftim thuhet se në zbatim të masave dhe reagim në bazë të Ligjit për parandalimin dhe luftimin e pandemisë Covid-19, mbrëmë më datë 06.09.2021, duke filluar nga 19:30, Njësiti për reagim të shpejtë ( NJRSH), të mbështetur nga Njësiti special operativ (NJSO), së bashku me inspektorët e AVUK-ut, kanë inspektuar lokalet në zonën e përgjegjësisë Pejë.
Njësitet Policore së bashku në inspektorët e AVUK-ut, kanë vepruar në disa ekipe dhe kanë inspektuar në të njëjtën kohë tridhjetë e pesë lokale në këtë zonë.
Gjatë këtij plani të inspektimit janë shqiptuar tri gjoba, prej tyre një ndaj personit juridik dhe dy ndaj personave fizik.
“Policia e Kosovës me këtë rast apelon tek te gjithë qytetarët që t’i respektojnë vendimet e Qeverisë dhe të IKSHPK-së. Në të kundërtën për qytetarët që nuk i respektojnë vendimet e Qeverisë dhe të IKSHPK-së, toleranca do të jetë zero”, thuhet në njoftim. /Telegrafi/