Një person është arrestuar sot në Pejë, pas kontrollit që ka bërë në shtëpinë e tij njësiti i hetimeve në Drejtorinë Rajonale të Pejës, ku u gjetën dhe u konfiskuan armë dhe municion.
Gjatë zbatimit të urdhër-kontrollit të Gjykatës Themelore në Pejë, policia kontrolloi shtëpinë e të dyshuarit A.M i lindur në vitin 1988, boshnjak, meqë rast pas gjetjes së armëve dhe municionit, i njëjti është arrestuar.
“Gjatë kontrollit të shtëpisë dhe objekteve përcjellëse të personit të dyshuar, A. M. i lindur me 1988 m/k/boshnjak, janë gjetur dhe janë konfiskuar: një (1) pushkë automatike AK47, një (1) karikator, dhjetë (10) fishekë 7.62 mm, një (1) granat dore M57, një (1) granat dore M52, një (1) jelek antiplumb, një (1) pllakë antiplumb, një (1) veturë me targa te huaja e cila është dërguar në doganë”, thuhet në komunikatën e Policisë.
I dyshuari është arrestuar dhe është intervistuar nga hetuesit Rajonal, i njëjti me urdhër të Prokurorit të shtetit ndalohet për 48 orë. /Telegrafi/