Një pjesëtar i policisë rrugore në qytetin Santa Fe Springs të Kalifornisë ka regjistruar një rast të pazakontë dhe gjithçka është dokumentuar në Instagram.
Roja e ndaloi veturën pasi ajo kapërceu dy vija të forta dhe përfundoi në të ashtuquajturën korsi carpool (e destinuar për automjete me dy ose më shumë pasagjerë). Ajo që pasoi mund të përfshihet në rubrikën “beso apo jo”.
Oficeri i policisë i është afruar shoferit dhe ka vënë re menjëherë se me pasagjerin diçka “nuk shkonte”.
“Mjekra e tij ishte shumë e mprehtë”, thuhet në faqen në Instagram të Departamentit të Policisë së Santa Fe Springs.
Doli të ishte një bedel plastike dhe shoferi u gjobit për shkelje të shumta, raporton upi.com.
“Nëse po pyesni veten nëse një kukull në ulësen e pasagjerit llogaritet si pasagjer i dytë, ne do t’i themi menjëherë JO”, thuhet në postim. /Telegrafi/