Në afërsi të Times Square në New York, të shtunën rreth mesnatës një polic ka pësuar lëndime të lehta trupore, kur shoferi i një Mercedesi të zi e tërhoqi zvarrë për disa metra me veturë.
Polici i paemëruar ishte munduar ta ndalë shoferin të cilin e kishte vërejtur se po bënte vozitje të rrezikshme, duke i lënë gjurmët e gomave në rrugë nga frenimi i dhunshëm, transmeton Telegrafi.
Dhe kur ai i doli përpara veturës me qëllim që ta legjitimoi personin që po shkelte ligjin, shoferi i dha gaz dhe e “përplasi” mbi kapakun e motorit. Dhe pas disa metrave tërheqje zvarrë ai u rrëzua në tokë, kurse shoferi u zhduk nga vendi i ngjarjes.
Por gjatë rrugës derisa tentoi t’i ikë policisë, ai goditi edhe disa vetura tjera, ndërsa policia ka bërë të ditur se është vënë pas shoferit.
Në videon e publikuar më poshtë, shihet shoferi i Mercedesit duke e tërhequr zvarrë policin. /Telegrafi/
