Janë shtuar patrullimet e forcave të Policisë së Kosovës, për jashtë ndërtesave kryesore të legjislativit në vend.
Ndërtesa e Kuvendit dhe ajo e Qeverisë janë duke u ruajtur nga policë të armatosur, të cilët po patrullojnë për rreth ndërtesave.
Ndryshe, në orët e paradites Driton Çaushi nga Lëvizja Vetëvendosje ka hedhur gazin lotsjellës në Komisionin për punë të Jashtme.
Në mbledhjen e Komisionit për Punë të Jashtme po bëhej shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.
Pas debateve të ashpra, ka eskaluar situata dhe nënkryetari i Vetëvendosjes ka hedhur gaz lotsjellës.
