Paul Pogba nuk dëshiron të luajë për Manchester Cityn. Sipas The Athletic, mesfushori francez i ka thënë ‘jo’ vazhdimit të karrierës së tij sportive me skuadrën e ‘Qytetarëve’, të cilët e kanë në agjendë për të forcuar mefushën e tyre.
Ajo që është e qartë është se francezi nuk do të vazhdojë më te Manchester United. Kontrata përfundon më 30 qershor dhe ai nuk ka asnjë ofertë nga ‘Djajtë e Kuq’ në tavolinë.
Pikërisht për këtë City mendoi për inkorporimin e tij, por Pogba nuk dëshiron të ‘tradhtojë’ tifozët aktualë duke shkuar te rivali lokal.
Sipas Daily Mail, klubi anglez ka bërë një hap përpara për të marrë shërbimet e Erling Haaland nga Dortmundi, por francezi aktualisht po pengon planin e tyre.
Sipas mediave të sipërpërmendura, anglezët do të kishin bërë përparim të madh në garën për transferimin e tij duke i ofruar një ‘mega kontratë’ që do ta bënte të fitonte më shumë se 600 mijë euro në javë ose më shumë se 31 milionë për sezon.
Mediumi i lartpërmendur bën me dije se francezi ishte i interesuar të nënshkruante për skuadrën e Guardiolës. Megjithatë, në planet e lojtarit është të luajë në Francë, në vendin e tij të origjinës, ku PSG është opsioni i preferuar për të.
Real Madrid apo Juventus kanë tingëlluar gjithashtu si destinacione të mundshme, edhe pse sot këto opsione janë ftohur. /Telegrafi/