Ilkay Gundogan shpërtheu të martën mbrëma kur e fundosi Barcelonën në Etihad Stadium, në mënyrë që ekipi i tij të regjistrojë një fitore historike.
I ndihmoi bosit të tij të hakmirrej keq ndaj ish-skuadrës së tij,
Gundogan me dy golat e tij ndaj Barcelonës e bëri Guardiolan krenar. Ai ishte fundamental që City të mposhtë Barcelonën me rezultat 3-1, krahas edhe një supergoli të Kevin De Bruynes.
Por, performanca e mirë e Gundogan nuk po vërehet vetëm te golat, shkruan Telegrafi.
Ai këtë sezon ka qenë i mrekullueshëm duke bërë edhe tri asistime në golat e bashklojtarëve të tjerë.
Këto statistika të Gundogan janë monstruoze nëse krahasojmë statistikat e Paul Pogbas te Manchester United.
Në pesë ndeshje, Pogba ka shënuar vetëm një gol, kurse Gundogan pesë, teksa ky i fundit ka tri asistime, e francezi asnjë asistim.
E vetmja statistikë ku Pogba është më i mirë është në ndërrimin e stilit të flokëve. Deri tash Pogba ka ndërruar gjashtë stile flokësh, kurse Gundogan vetëm një.
Gundogan: 30 milionë euro
5 gola
3 asistime
1 stil i flokëve
Pogba: 122 milionë euro
1 gol
0 asistime
6 stile flokësh
Monstruoz është dallimi edhe në shumën e transferimit. Teksa kalimi i Gundogan te City kushtoi 30 milionë euro, ai i Pogbas te United kapi shifrën e mbi 122 milionë euro.
Një transferim me vend nga Guardiola. Dhe vulën për suksesin e dha pikërisht ndaj skuadrës më të fortë në botë, Barcelonës! /Telegrafi/