Pogba dhe Diallo në mbështetje të Palestinës – por anëtari i PSV e zëvendëson flamurin me atë të Izraelit

Dyshja e Manchester United, Paul Pogba dhe Amad Diallo kanë mbajtur flamurin e Palestinës, pas barazimit 1-1 ndaj Fulhamit të martën mbrëma.

Mesfushori francez u kap nga kamerat duke pranuar flamurin nga një tifoz në Old Trafford, gjatë ndeshjes së fundit të tyre për këtë edicion në shtëpi.

Sidoqoftë, flamuri i Palestinës në rrjetet sociale u mbulua me atë të Izraelit nga sulmuesi i PSV-së, Eran Zahavi.

“Faleminderit për përkrahjen” – ishte mbishkrimi ironik i sulmuesit 33-vjeçar në Instagramin e tij.

Një veprim të tillë e kishin bërë edhe dy lojtarë të Leicesterit mbrëmë në takimin ndaj Chelseat, derisa thënia e njëjtë nga Zahavi kishte pasuar për ta. /Telegrafi/