Ish-ylli i Juventusit, Paul Pogba, thuhet se ka vendosur të largohet nga Manchester Unitedi, ndërsa thuhet se fituesi i Kupës së Botës do të preferonte një transferim te Real Madridi.
Juventusi është përmendur si një destinacion i mundshëm për mesfushorin francez, nëse ai vendos të largohet nga Old Trafford.
Sipas gazetës franceze L’Equipe, ai e ka ndarë mendjen, por thuhet se do të preferonte një transferim te Real Madridi para një rikthimi në Serie A.
Gazeta shkruan se Juventusi është i interesuar ta sjell lojtarin përsëri në Torino.
Bianconerët e shitën superyllin për një rekord bote prej 105 milionë eurosh në vitin 2016 dhe ai është i kontraktuar te Unitedi deri në vitin 2021.
Rikthimi te Unitedi nuk doli ashtu si e përfytyruan të dy palët dhe klienti i Mino Raiolas ka qenë vazhdimisht i lidhur me një largim.
Zinedine Zidane gjithashtu e ka bërë të qartë se ai e kishte vendosur francezin në krye të listës së dëshirave të tij verën e kaluar. /Telegrafi/