Ish-kreu i arkivës në Ministrinë e Brendshme, Kastriot Dervishi, ka publikuar një ‘dokument’ të rrallë që i përket kohës së diktaturës komuniste.
Dervishi ka postuar “poezinë” e një punëtori operativ i cili i thur lavde regjimit të kohës duke sfiduar ushtarët amerikanë.
“Në të kaluarën, në jo pak raste hasim edhe poezi për armën e Sigurimin dhe punëtorin operativ. Një prej këtyre është edhe kjo që bashkëlidhet, e cila tregon qartë se për çfarë e dashuronte njeriu i ri i komunizmit, punëtorin operativ”, ka shkruar ai.
Në “poezi” ndër të tjera thuhet: “Ej ç’tregon ti/ frikacaku amerikan/ s’e din se në Shqipëri/ të gjithë ushtarë janë”. /Telegrafi/
