Kryetari i Podujevës, Agim Veliu, ka njoftuar qytetarët e Komunës së Podujevës, se ministri i Shëndetësisë, Imet Rrahmani, ka marrë vendin që në Podujevë të themelohet Spitali i Përgjithshëm.
Kryetari Veliu tha se bazuar në legjislacionin në fuqi, ministri i Shëndetësisë sot ka marrë vendim për themelimin e Spitalit të Përgjithshëm në Podujevë.
“Themelimi i Spitalit të Përgjithshëm në Podujevë do të krijojë lehtësira për qytetarët tanë, të cilët për t’i marrë shërbimet më të thjeshta mjekësore, deri më tani i janë drejtuar Qendrës Klinike Universitare të Kosovës (QKUK)”, ka bërë të ditur kryetari Veliu, përmes një postimi në Facebook.
Në Podujevë tashmë është ndërtuar objekti, i cili fillimisht ishte dedikuar si repart i Maternitetit në kuadër të QKMF, por me kapacitetet që ka objekti plotëson nevojat edhe për një spital. /Telegrafi/