Manchester United e ka mundësinë që ta emërojë Mauricio Pochettinon si trajnerin e tyre të ri.
Strategu argjentinas ditë më parë është shkarkuar nga Tottenham Hotspuri dhe vendin e tij e ka zënë Jose Mourinho.
Pochettino u largua pas pesë vitesh nga bankina e Spurs, derisa tani po e kërkon rikthimin sa më të shpejtë në futboll.
Daily Mail raporton se argjentinasi e kërkon kalimin te Djajtë e Kuq, pasi Ole Gunnar Solskjaer nuk po tregon rezultate të mira.
Por, Unitedi thuhet se nuk është i gatshëm që ta shkarkojë norvegjezin në këtë kohë dhe do të pres fundin e sezonit.
Nëse Pochettino nuk arrin marrëveshje me ndonjë skuadër tjetër, atëherë mund të ulet në bankën e skuadrës nga qyteti i Manchesterit. /Telegrafi/