Victor Sanchez beson se Mauricio Pochettino do të jetë trajner i Real Madridit brenda një kohe shumë të shkurtër.
Trajneri argjentinas është aktualisht i papunë, që nga koha kur u shkarkua nga Tottenham Hotspuri, për t’u zëvendësuar nga Jose Mourinho.
Por, ish-bashkëlojtar i tij te Espanyoli, ka thënë se Pochettino i ka të gjitha cilësitë për t’u bërë trajner i Los Blancos.
“Ai është në momentet më të mira të karrierës”, ka thënë Sanchez në një intervistë për Marcan.
“Mendoj se ai do të përfundojë si trajner i Real Madridit, pasi ai gjithmonë i ka dashur ata si klub dhe është ëndërr e tija”.
“Ai ka fituar respekt nga trajnerët e mëdhenj dhe tani ai duhet të jetë në një skuadër të madhe, siç është Real Madridi”, ka shtuar më tej ai.
Zinedine Zidane nuk po kalon nëpër kohëra të mira dhe në rast se nuk fiton trofe në këtë edicion me madrilenët, atëherë do të shkarkohet. /Telegrafi/